ЎФА хабарига кўра, Ўзбекистон миллий терма жамоаси футболчиси Жалолиддин Машарипов АҚШдаги йиғин давомида бел қисмидаги оғриқлар билан боғлиқ муаммо туфайли сўнгги машғулотларда, шунингдек, Канада ва Нидерландияга қарши ўртоқлик учрашувларида иштирок этмади.
Маълум қилинишича, сўнгги ҳафталарда футболчининг бел қисмида оғриқлар кузатилган. Дори-дармонлар ва физиотерапия муолажалари орқали унинг аҳволи яхшиланган.
Бироқ кейинчалик оғриқлар яна қайта безовта қила бошлаган. Ўтказилган МРТ текшируви натижаларига кўра, унда умуртқалараро диск чурраси (межпозвоночная грыжа) қайта хуруж қилгани аниқланган.
Айни пайтда футболчининг соғлиғи бўйича миллий жамоа тиббий штаби томонидан зарур ишлар олиб борилмоқда. Ҳолат юзасидан якуний тиббий хулосалар олингандан сўнг қўшимча маълумот тақдим этилиши билдирилди.
Комментарии