Тошкентнинг айрим кўчаларида тўрт кунга транспорт ҳаракати чекланди

4 июнь куни соат 06:00 дан бошлаб Тошкент шаҳрининг айрим кўчаларида транспорт воситалари ҳаракати вақтинча чекланди.

Чекловлар қуйидаги ҳудудларда амал қилади:

• Тарас Шевченко кўчаси — Фидокор кўчаси билан кесишмадан Нукус кўчаси билан кесишмагача;
• Саида Барака кўчаси — Ойбек кўчаси билан кесишмадан Амир Темур шоҳкўчасигача.

Маълум қилинишича, ушбу чекловлар 8 июнь куни соат 07:00 гача амал қилади.

Ҳайдовчиларга сафарларини олдиндан режалаштириш ва айланма йўллардан фойдаланиш тавсия этилмоқда.