Ўзбекистонлик ҳужумчи Элдор Шомуродов "Истанбул Башакшеҳир" таркибида ўз ҳисобига 22 та гол ёзиб қўйди. Тўпурарлар пойгасида унга рақиблик қилган "Трабзонспор" ҳужумчиси Пол Онуачунинг ҳисобида ҳам шунча гол мавжуд, бироқ нигериялик футболчи голларининг 6 тасини пенальтилардан урганлиги сабабли тўпурарлар пойгасида иккинчи ўринни эгаллади.
Бундан ташқари, Шомуродов 5 та голли узатмани ўз ҳисобига ёздириб қўйди ва "гол+пас" тизими бўйича чемпионатнинг энг яхши футболчисига айланди.
Шунингдек, Ўзбекистон миллий терма жамоаси сардори EA FC 26 версияси бўйича 2025/26 йилги Туркия чемпионатининг рамзий терма жамоасига киритилди. Якуний карточкада ўзбекистонлик ҳужумчи 93-рейтингга эга бўлди.
Ушбу кўрсаткич бўйича иккинчи ўринни "Фенербахче" ҳужумчиси Марко Асенсио эгаллади, у 11 та гол ва 13 та голли узатмани амалга оширган.
Комментарии