Ирландия президенти Кэтрин Коннолли Ўзбекистоннинг Фавқулодда ва мухтор элчиси (қароргоҳи Лондонда) Равшан Усмоновдан ишонч ёрлиқларини қабул қилиб олди.
Суҳбат чоғида Ўзбекистон ва Ирландия ўртасидаги ҳамкорликни ривожлантириш истиқболлари юзасидан фикр алмашилди.
Кэтрин Коннолли Ирландия ва Ўзбекистон ўртасидаги икки томонлама муносабатлар изчил ривожланиб, ҳар томонлама кенгайиб боришига қатъий ишонч билдирди ҳамда Шавкат Мирзиёевга ўзининг самимий ва эзгу тилакларини етказди.
Эслатиб ўтамиз, Равшан Усмонов 2023 йил 14 ноябрь куни Ўзбекистоннинг Буюк Британиядаги элчиси сифатида Лондонга келган эди. 2025 йил февраль ойида у Исландия президенти Халле Томасдоттирга Ўзбекистоннинг биринчи элчиси сифатида ишонч ёрлиқларини топширди. 2025 йил июнь ойида Равшан Усмонов Ирландия Ташқи ишлар вазирлигига ишонч ёрлиқлари нусхаларини топширди.
Комментарии