Ўзгидромет маълумотларига кўра, душанба куни кундузи республиканинг марказий ва шарқий ҳудудларида беқарор об-ҳаво сақланиб туради. Тошкент, Самарқанд, Жиззах, Сирдарё вилоятларида ва Фарғона водийси вилоятларида куннинг иккинчи ярмида баъзи жойларда қисқа муддатли ёмғир ёғиши, момақалдироқ бўлиши мумкин.
Ҳаво ҳарорати +23...+26 даражани ташкил этади. Шимолда, жанубда ва чўл ҳудудларда ёғингарчиликсиз об-ҳаво бўлиши, ҳарорат +27...+32 даражагача кўтарилиши кутилмоқда.
5-7 май кунлари Ўзбекистон ҳудудининг катта қисмида ёғингарчилик кутилмайди, фақат Қорақалпоғистон Республикаси ва Хоразм вилоятида баъзи жойларда қисқа муддатли ёмғир ёғиши мумкин.
8 май куни республиканинг жанубий ва шарқий вилоятларидан ташқари айрим жойларида қисқа муддатли ёмғир ёғиши мумкин. 5-8 май кунлари ҳарорат кечалари аста-секин +17...+20 даражагача, кундуз кунлари +32...+35 даражагача, жанубда +38 даражагача кўтарилади.
6-7 майда шимолда ва чўл ҳудудларда, 8 майда республика бўйича баъзи жойларда шамол тезлиги 13-18 м/с гача кучайиши, айрим жойларда чанг-тўзонлар кузатилиши мумкин.
Республиканинг тоғ олди ва тоғли ҳудудларида 4, 5, 8 май кунлари баъзи жойларда қисқа муддатли ёмғир ёғиши, момақалдироқ бўлиши, 4 майда сел-сув тошқин ҳодисалари юзага келиши мумкин.
Комментарии