Президент Шавкат Мирзиёев видеоселектор йиғилишида айрим ҳокимларнинг тадбиркорлар билан ишлаш борасидаги фаолиятини танқид қилди.
Жумладан, Нурафшон шаҳар ҳокими икки йилдан буён бюрократик тўсиқлар сабаб қурилишни бошлай олмаган тадбиркорга ёрдам бериш ўрнига, ушбу масала қандай қилиб президент даражасигача етиб борганини аниқлаш билан овора бўлани қайд этилди.
Шу билан бирга, Ғузор, Нарпай, Урганч, Янгийўл ва Чиноз туманлари ҳокимлари тадбиркорлик инфратузилмасини ривожлантириш учун ажратилган маблағларга қарамасдан, ҳалигача лойиҳаларни бошламагани кўрсатиб ўтилди. Ваҳоланки, мазкур ҳудудларга жорий йилда республика бюджетидан қўшимча 262 миллиард сўм йўналтирилган.
Йиғилишда тегишли вилоят ҳокимларига номи тилга олинган туман раҳбарлари вазифани эплай олмаётган бўлса, уларнинг лавозимига лойиқлигини зудлик билан кўриб чиқиш юзасидан топшириқ берилди.
Комментарии