Маълум қилинишича, ҳодиса 7 апрель куни шаҳарнинг Янгиариқ маҳалласида жойлашган хусусий мактабгача таълим муассасасида содир бўлган. 23 ёшли тарбиячи Е.Н. қарамоғидаги болаларни тартибга солиш баҳонасида доимий равишда калтаклаган.
Текширувлар давомида маълум бўлишича, у март ойидан апрелгача бўлган даврда болаларга нисбатан мунтазам равишда жисмоний зўравонлик ва бошқа шафқатсиз муносабат турларини қўллаган.
Мазкур ҳолат юзасидан шаҳар ИИБ ҳузуридаги тергов бўлими томонидан Ўзбекистон Республикаси Жиноят кодексининг 110-моддаси 2-қисми (қийнаш) билан жиноят иши қўзғатилган.
Гумонланувчи ушланган, ҳозирда ҳолат юзасидан қўшимча терговга қадар текширув ишлари олиб борилмоқда. Шунингдек, мазкур воқеадан сўнг ушбу хусусий болалар боғчаси фаолияти тўхтатилган.
Комментарии