Шавкат Мирзиёев тўловга қобилиятсизлик институтини такомиллаштириш, мураккаб молиявий аҳволдаги тадбиркорлик субъектларини молиявий соғломлаштириш бўйича янгича ёндашувлар тақдимоти билан танишди.
Мамлакатимизда хусусий бизнесни ривожлантириш, тадбиркорларни қўллаб-қувватлаш ва уларга янада қулай шароитлар яратиш бўйича изчил ишлар амалга оширилаётгани таъкидланди.
Ислоҳотлар натижасида сўнгги беш йилда хусусий бизнеснинг иқтисодиётдаги улуши 45 фоиздан 58 фоизга етди.
Жорий йилда кичик ва ўрта бизнесга 140 триллион сўм кредит ажратилади.
Бундан ташқари, банклар томонидан жалб қилинган 8 миллиард долларлик ташқи ресурслар маҳаллалардаги тадбиркорликни қўллаб-қувватлашга, шунингдек, ишлаб чиқариш, савдо ва хизмат кўрсатиш инфратузилмасини яхшилаш учун ҳудудларга 20 триллион сўм йўналтирилади.
Комментарии