Тошкент вилоятида 1 апрелдан чиқинди ташиш тарифлари оширилади

Тошкент вилояти Халқ депутатлари кенгаши маиший чиқиндиларни йиғиш ва олиб чиқиш хизматлари учун янги тарифларни тасдиқлади.

Янги тарифлар 2026 йил 1 апрелдан амал қила бошлайди.

Аҳоли учун чиқинди ташиш тўлови ҳар бир киши учун ойига 7 840 сўмдан 10 864 сўмгача ошади (ҚҚС билан). ҚҚСсиз ҳисобланганда тариф 7 000 сўмдан 9 700 сўмгача ошади (+38,6%).

Юридик шахслар учун чиқиндиларни олиб чиқиш тарифи 1 кубометр учун 82 880 сўмдан 97 316,8 сўмгача ошади (ҚҚС билан). ҚҚСсиз эса 74 000 сўмдан 86 890 сўмгача (+17,4%).

Тарифлар «Toza hudud», «Zero-waste», «Zangiota Obodon», «Angren Bunyod Fayz», «Rahnamo Servis» ва «Ohangaron sanitariya tozalash» корхоналари томонидан кўрсатиладиган хизматларга татбиқ этилади.

Қарорда қайд этилишича, ушбу ўзгаришлар чиқиндиларни бошқариш тизимини такомиллаштиришга қаратилган президент фармонини амалга ошириш д