Жорий йилнинг 5 март куни Бекобод шаҳрида бир неча вояга етмаган шахслар ўртасидаги оғзаки жанжал ўлим билан якунланди, деб хабар бермоқда Бош прокуратура Матбуот хизмати.
Жанжал пайтида улардан бири ошхона пичоғи билан жабрланувчининг ўнг ва чап кўкрак қафасига пичоқ билан жароҳат етказган. Йигит шифохонага етказилган, бироқ кўрсатилган тиббий муолажаларга қарамасдан вафот этган.
Мазкур ҳолат юзасидан ЖКнинг 97-моддаси (қасддан одам ўлдириш) билан жиноят иши қўзғатилган. Пичоқ билан жароҳат етказишда гумон қилинаётган вояга етмаган шахс қўлга олинган.
Таъкидланишича, тергов ҳаракатлари ҳар томонлама, тўлиқ ва холисона ўтказилиб, натижаси бўйича қонуний қарор қабул қилинади.
Комментарии