Аввал хабар берганимиздек, 12 февраль куни соат 13:00 дан бошлаб Қамчиқ довонидаги А-373 халқаро автомобиль йўлининг бир қисмида қор кўчкиси хавфи туфайли транспорт воситалари ҳаракати вақтинча тўхтатилди.
Аҳоли хавфсизлигини таъминлаш мақсадида Фавқулодда вазиятлар вазирлиги раҳбарлигида тезкор равишда Идоралараро штаб ташкил этилди.
Фарғона водийси вилоятларига ҳамда водий вилоятларидан Тошкент шаҳрига сафарни режалаштирган фуқаролар учун «Поп», «Темирйўлобод», «Ангрен» ва «Оҳангарон» темир йўл вокзалларида қўшимча поезд рейслари йўлга қўйилди.
Айни пайтда ФВВ раҳбарлигида тегишли ташкилотлар мутахассислари томонидан кенг кўламли профилактик тадбирлар амалга оширилмоқда.
Комментарии