Бугун, 31 январь куни Тошкент шаҳридаги савдо мажмуаси ёнида ёнғин содир бўлгани акс этган видео ижтимоий тармоқларга сиздирилди. Ушбу ҳолат юзасидан ФВВ Матбуот хизмати маълумот берди.
Бугун, 31 январь куни соат 15:47 да Тошкент шаҳар, Яшнобод тумани, Паркент йўли кўчасида жойлашган "Авиатор" савдо мажмуасида ёнғин бўлаётганлиги тўғрисида Тошкент шаҳар ФВББга хабар келиб тушган.
Шунга кўра, қутқарув экипажлари соат 15:53 да воқеа жойига етиб бориб, биринчи навбатда бино ичидаги барча фуқаролар эвакуация қилинган. Ёнғин соат 16:50 да қуршаб олиниб, соат 17:17 да тўлиқ бартараф этилган.
Ёнғин ўчириш ишлари Фавқулодда вазиятлар вазири раҳбарлигида амалга оширилган. Ёнғин оқибатида тан жароҳати олганлар йўқ.
Айни вақтда ёнғиннинг келиб чиқиш сабаблари ва зарар миқдори аниқланмоқда.
Комментарии