Миллий статистика қўмитасининг маълумотларига кўра, Ўзбекистонда 2025 йилнинг январь-декабрь ойларида 267,1 мингта никоҳ ҳолатлари қайд этилган.
Никоҳ коэффициенти 7,1 промиллени ташкил этди - ҳар 1000 аҳолига ўртача никоҳлар сони.
Никоҳлар сони кетма-кет тўртинчи йил камаймоқда. 2021 йилда 305,2 мингта, 2022 йилда 296,7 мингта, 2023 йилда 283,8 мингта, 2024 йилда 271,8 мингта никоҳ ҳолатлари қайд этилган.
Айниқса, 2022-2024 йилларда сезиларли пасайиш кузатилди, шундан сўнг 2025 йилда пасайиш секинроқ суръатларда давом этди.
Мамлакатда никоҳларнинг камайиши фонида ажралишлар сонининг кўпайиши қайд этилмоқда. 2021 йилда Ўзбекистонда 39,3 мингта ажрим қайд этилган. 2022 йилда уларнинг сони кескин ўсиб, 48,7 мингтани, 2023 йилда эса 49,2 мингтани ташкил этди. Шундан сўнг, 2024 йилда бу кўрсаткич 45,1 мингга тушди, бироқ 2025 йилда яна 46,9 мингга кўтарилди.
Никоҳларнинг 134,5 мингтаси (50,3 фоизи) қишлоқ жойларда, 132,6 мингтаси (49,7 фоизи) шаҳар жойларда қайд этилган. 46,9 мингта ажримнинг 28,2 мингтаси (60,1 фоизи) шаҳар жойларда ва 18,7 мингтаси (39,9 фоизи) қишлоқ жойларда қайд этилган.
Комментарии