Фарғона водийсига парвоз қилган бир нечта рейслар ноқулай об-ҳаво сабабли захира аэродромларга йўналтирилди

Фарғона водийсида ноқулай об-ҳаво шароити (кучли қор ёғиши) туфайли бир нечта рейслар муқобил аэродромларга йўналтирилди, деб хабар бермоқда Uzbekistan Airports Матбуот хизмати.

Қайта йўналтирилган парвозлар орасида:

• S7 Airlines авиакомпаниясининг Иркутск - Андижон йўналиши бўйича S76311 рейси Ўшдаги муқобил аэродромга қўнди (маҳаллий вақт билан соат 00:01 да қўниш);

• Air Samarkand авиакомпаниясининг Жидда - Наманган йўналиши бўйича 9С5010 рейси Самарқанддаги муқобил аэродромга қўнди (маҳаллий вақт билан соат 00:27 да қўниш);

• Ural Airlines авиакомпаниясининг Екатеринбург - Наманган йўналиши бўйича U62963 рейси Самарқанддаги муқобил аэродромга қўнди (маҳаллий вақт билан соат 00:40 да қўниш);

• Uzbekistan Airways авиакомпаниясининг Самара - Наманган йўналиши бўйича HY9806 рейси Тошкентдаги муқобил аэродромга қўнди (маҳаллий вақт билан соат 04:11 да қўниш);

• FlyOne Asia авиакомпаниясининг Мадина - Наманган йўналиши бўйича 7Қ4452 рейси Тошкентдаги муқобил аэродромга қўнди (маҳаллий вақт билан соат 06:05 да қўниш).

Айни пайтда Наманган аэропорти одатдагидек ишламоқда.