Жорий йилнинг 20 январь куни, жиноят ишлари бўйича Миришкор туман судида МЖтК 411-моддасининг 1-қисми билан айбланган У.Р.га оид суд иши кўриб чиқилди.
Аниқланишича, ҳуқуқбузар У.Р. шу йилнинг 14 январь куни соат 22:30 атрофида Қашқадарё вилояти Миришкор тумани тиббиёт бирлашмасига даъволаниш учун келган бемор А.С.нинг даволовчи шифокори бўлмаса-да, уни ўз палатасидан алоҳида хонага спирт билан муолажа қилиш учун чақириб, унга тегиниб, шаҳвоний хусусиятга эга бўлган ҳаракатларни бажариб, шаҳвоний шилқимлик қилган.
Суд ҳукмига кўра, ҳуқуқбузар У.Р. МЖтКнинг 41-1-моддасининг 1-қисмида назарда тутилган ҳуқуқбузарликни содир этганликда айбли деб топилди ва 5 сутка маъмурий қамоқ жазоси тайинланди.
Комментарии