Давлат раҳбарининг сўзларига кўра, бундай ҳолатларнинг аксариятида Ташқи ишлар вазирлиги расмий нота юбориш билан чекланиб қолмоқда.
"Элчи ва консуллар бундай ҳар бир ҳолат бўйича малакали юридик ёрдам кўрсатиши, хориждаги фуқароларимизнинг ҳуқуқ ва манфаатларини ҳимоя қилиши шарт," - деди президент.
Унинг қўшимча қилишича, хориждаги ёшлар ёки талабаларнинг турли бузғунчи оқимларга қўшилиб қолиши барчада жиддий хавотир уйғотиши керак.
"Бундан буён элчилар "хона дипломатияси"дан воз кечиб, хориждаги ватандошларимиз ишлаётган ва таълим олаётган қурилиш майдонлари, ётоқхона ва таълим муассасаларига шахсан бориб, уларнинг муаммоларини ўрганиши ва ечим топиш билан шуғулланиши керак," - деди Шавкат Мирзиёев.
Мутасаддиларга хорижда оғир аҳволга тушиб қолган ўзбекистонликлар учун бепул call-markaz ташкил этиш, тегишли вазирликлар билан бирга уларнинг мурожаатларини тезкор кўриб чиқиш тизимини шакллантириш вазифаси қўйилди.
Комментарии