ЙҲХББ матбуот хизмати хабарига кўра, 2025 йилда мамлакатда ЙТҲ оқибатида 2 188 киши ҳалок бўлган. Шу билан бирга, ушбу кўрсаткичнинг пасайиши кузатилмоқда: бир йил олдин ҳалок бўлганлар сони 2 199 кишини ташкил этган.
Қайд этилишича, йўл-транспорт ҳодисалари оқибатида 8 901 киши турли даражада тан жароҳати олган бўлса, 2024 йилда бу кўрсаткич 8 931 кишини ташкил этган.
Жаҳон соғлиқни сақлаш ташкилоти маълумотларига кўра, ҳар йили дунё бўйлаб йўл-транспорт ҳодисаларида ўртача 1,1 миллионга яқин одам ҳалок бўлади, яна 30 миллионга яқини турли даражадаги жароҳатлар олади. Шу билан бирга, йўл-транспорт ҳодисалари 29 ёшгача бўлган шахслар ўлимининг асосий сабабларидан бири бўлиб қолмоқда.
Қайд этилишича, ЙТҲлар инсон соғлиғига, оилаларга ва мамлакат иқтисодиётига салбий таъсир кўрсатади. Жароҳат олганларни даволаш харажатлари, шунингдек, инсонларнинг ҳалок бўлиши ёки ногирон бўлиб қолиши оқибатида меҳнатга лаёқатли аҳоли сони қисқариши мамлакат ялпи ички маҳсулотининг йиллик 3–5 фоизга камайишига олиб келган ҳолатлар қайд этилган.
"Вазият таҳлили шуни кўрсатмоқдаки, сўнгги 5 йил ичида (2021-2025 йиллар) мамлакатда ЙТҲлар сонининг барқарор пасайиш тенденцияси сақланиб қолмоқда. Бу аҳоли сони ва транспорт воситалари сони ортиб бораётганига қарамай содир бўлмоқда.
Кўрсатилган 5 йиллик даврда ЙТҲларда ҳалок бўлганлар сони 100 минг аҳолига нисбатан 6,9 нафардан 5,7 нафарга, 10 минг транспорт воситасига нисбатан эса 6,3 нафардан 4,0 нафарга камайган," - дейилади хабарда.
Таълим муассасалари яқинида ва маҳаллаларда хавфсизлик чоралари туфайли болалар иштирокидаги йўл-транспорт ҳодисалари сони бир неча баробар камайди. 2024 йилга нисбатан болалар иштирокидаги бахтсиз ҳодисалар сони 171 тага (-9,6 фоиз), ҳалок бўлган болалар сони эса 36 нафарга (-12,8 фоиз) камайган.
Маълум қилинишича, 2024 йил якунларига кўра, Ўзбекистон ҳар 100 минг аҳолига тўғри келадиган йўл-транспорт ҳодисалари сони бўйича МДҲ давлатлари орасида Озарбайжондан кейин иккинчи ўринни эгаллади. Ўлим билан тугаган ЙТҲ кўрсаткичи бўйича мамлакат биринчи ўринни эгаллади.
Комментарии