Пойтахт аҳолиси ва меҳмонларига қулай шарт-шароитлар яратиш мақсадида байрам дам олиш кунлари "Тошкент метрополитени" ДУК метрополитен иш режимига вақтинчалик ўзгартиришлар киритди.
Хусусан, Янги йил байрами куни барча метро бекатлари 31 декабрь куни соат 05:00 дан 1 январь куни соат 01:00 га қадар йўловчиларга хизмат кўрсатади.
Янги йил байрами муносабати билан белгиланган қўшимча дам олиш кунларида метро поездларининг ҳаракатланиш оралиқлари қуйидагича ташкил этилади:
- 2025 йил 31 декабрь ва 2026 йил 2 январь кунлари метро поездлари шанбалик жадвал асосида ҳаракатланади;
- 2026 йил 1 январдан поездлар ҳаракати якшанба кунлари жадвал асосида амалга оширилади.
5 январь (душанба) иш куни бўлганлиги сабабли, ушбу кунда метро ҳаракати стандарт иш куни жадвалига мувофиқ ташкил этилади.
Комментарии