Тбилиси халқаро аэропортида Грузиянинг ваколатли органлари томонидан йирик миқдордаги фирибгарлик ва одам савдосини содир этганликда айбланиб, халқаро қидирувда бўлган икки нафар фуқаро Ўзбекистон ИИВ Интерпол Миллий марказий бюроси вакилларига топширилди.
Маълум қилинишича, Интерпол каналларидан самарали фойдаланиш натижасида қидирувдаги шахсларнинг трансчегаравий ҳаракатлари аниқланган. Ўтказилган тезкор-қидирув тадбирлари натижасида улар Грузия ҳудудида қўлга олинган.
Ўзбекистон Бош прокуратурасининг қўллаб-қувватлаши ва илтимосига кўра, тақдим этилган тергов материаллари асосида Грузия Адлия вазирлиги томонидан экстрадиция сўрови қаноатлантирилган. Қонун ҳужжатларида белгиланган барча жараёнлар якунлангач, қидирувдаги шахслар Тошкент шаҳрига олиб келинган.
Тошкент халқаро аэропортида экстрадиция қилинган шахслар жиноий ҳаракатларни содир этганлик учун жиноий жавобгарликка тортиш мақсадида ички ишлар органлари ходимларига топширилган.
Комментарии