Ўзгидромет хабарига кўра, бугун 22 декабрь куни Ўзбекистон ҳудудининг катта қисмида ёғингарчиликсиз об-ҳаво бўлиши кутилмоқда, фақат эрталаб Бухоро, Навоий, Сурхондарё вилоятларида ва кун давомида республиканинг тоғ олди ва тоғли ҳудудларида ёғингарчилик (ёмғир, қор) бўлади.
23-24 декабрда республика бўйича ёғингарчилик кутилмайди, фақат Тошкент вилоятида ва Фарғона водийси вилоятларида 23 декабрь куни кечаси ва эрталаб баъзи жойларда бироз қор ёғиши мумкин.
25-26 декабрда Қорақалпоғистон Республикасида ва Хоразм вилоятида вақти-вақти билан асосан қор кўринишидаги ёғингарчилик кузатилади. 26 декабрда Тошкент вилоятининг баъзи жойларида ёғингарчилик (ёмғир, қор) бўлади. Ушбу кунларда республиканинг қолган ҳудудларида ёғингарчилик кутилмайди.
Ҳаво ҳарорати асосан кечалари -3...+2 даража илиқ, кундуз кунлари 22 декабрда 0...+5 даража илиқ бўлади, 23-25 декабрда аста-секин +5...+10 даражагача кўтарилади, 26 декабрда +2...+7 даража илиқ бўлади.
Шамол шарқдан бироздан ўртача тезликгача эсади. Республика бўйича айрим жойларга туман тушиши мумкин. 22-23 декабрда йўлларда баъзи жойларда яхмалак кузатилади.
Тоғли ҳудудларда баъзи жойларда қор ёғади Қор кўчиши хавфи бор.
Тошкентда 22-25 декабрь кунлари асосан ёғингарчиликсиз об-ҳаво бўлиши кутилмоқда, фақат 23 декабрда кечаси бироз қор ёғиши мумкин. Кечаси ва эрталаб туман тушиши мумкин. Шамол шарқдан 3-8 м/с тезликда эсади. 22-23 декабрда йўлларда баъзи жойларда яхмалак кузатилади.
Ҳарорат кечалари -1...+2 даража илиқ, кундузи 22 декабрда +2...+4 даража илиқ бўлади, 23-25 декабрда аста-секин +7...+9 даража илиққача кўтарилади.
26 декабрда вақти-вақти билан асосан ёмғир кўринишидаги ёғингарчилик кузатилади ва кундузги ҳарорат бироз пасаяди.
Комментарии