Ўзбекистон ва Россия Ўзбекистоннинг Жаҳон савдо ташкилотига (ЖСТ) аъзо бўлиши жараёни доирасида икки томонлама музокараларни якунлаш тўғрисидаги протоколни имзоладилар.
Ҳужжат 21 декабрь куни Президентнинг ЖСТ бўйича махсус вакили Азизбек Урунов ҳамда Россия Федерацияси иқтисодий ривожланиш вазири Максим Решетников томонидан, Шавкат Мирзиёевнинг Санкт-Петербургга амалий ташрифи доирасида имзоланди.
«Музокаралар узоқ давом этди, бироқ мазмунли ва конструктив руҳда ўтди ҳамда бугунги ижобий натижага олиб келди.
Айрим ишлар ҳали қолган бўлса-да, ҳозир биз тўлиқ кўп томонлама музокараларни илгари суриш, зарур қонунчилик янгиланишларини якунлаш ва келаси йилда аъзо бўлиш жараёнини муваффақиятли тугатишга эътибор қаратмоқдамиз», — деди Азизбек Урунов.
Эслатиб ўтамиз, Ўзбекистонга ЖСТга аъзо бўлиш жараёни доирасида фақат Тайвань билан икки томонлама музокараларни якунлаш қолмоқда.
Комментарии