Аҳолига қўшимча қулайликлар яратиш мақсадида my.gov.uz порталида рецепт билан ва рецептсиз бериладиган дори воситалари ҳақида маълумот бериш бўйича янги хизмат йўлга қўйилди.
Муайян дори ҳақида маълумот олиш учун унинг номини қидирув ойнасига киритиш керак. Хизмат бепул тақдим этилади.
Эслатиб ўтамиз, дори воситасининг рецепт бўйича ёки рецептсиз берилиши ҳақидаги маълумотни Фармацевтика тармоғини ривожлантириш агентлиги сайтидан ҳам билиб олиш мумкин.
Аввалроқ, "Электрон рецепт" тизими мамлакатда босқичма-босқич жорий этилиши ҳақида хабар берган эдик. Биринчи босқичда фақат шифокорнинг электрон рецепти асосида антибиотиклар, синтетик антибактериал ва гормонал препаратларни харид қилиш мумкин бўлади.
Комментарии