Жорий йилнинг 11 декабрь куни Бекобод тумани "Қорақуйли" МФЙ ҳудудидан ўтган "Қорасув-Бўка-Бекобод" автомобиль йўлининг 64-км.да оқ рангли Nexia-3 автомашинасини бошқариб борган ИИО жиноят қидируви бўлими тезкор ходими пиёдани уриб юбориб, йўл транспорт ҳодисаси содир этган. UzNews.uz сўровига жавобан Бош прокуратура матбуот хизмати раҳбари Ҳаёт Шамсутдинов бу ҳақда маълумот берди.
Аниқланишича, ушбу автоҳалокат оқибатида пиёда 43 ёшли эркак Б.У. вафот этган.
Мазкур ҳолат юзасидан шу йилнинг 12 декабрь куни Бекобод тумани прокуратураси томонидан ЖКнинг 266-моддаси 2-қисми ва 117-моддаси 2-қисми билан жиноят иши қўзғатилиб, гумон қилинувчи шахсга "қамоққа олиш" тарзидаги эҳтиёт чораси қўлланилган.
Ҳозирда, марҳум Б.У.нинг мурдасини топишга қаратилган тезкор қидирув тадбирлари давом эттирилмоқда.
Комментарии