Ўзбекистон ёшлар терма жамоаси Дубайдаги пара Осиё ўйинларида биринчи ўринни эгаллади

Жорий йилнинг 7-14-декабрь кунлари Бирлашган Араб Амирликларининг Дубай шаҳрида V пара Осиё ўйинлари бўлиб ўтди.

Комплекс мусобақада қитъанинг 35 та мамлакатидан жами 1500 нафарга яқин атлет 11 та спорт туридан ғолиблик учун беллашди.

Хусусан, Ўзбекистон делегацияси спортнинг –

— пара енгил атлетика,

— пара таэквондо,

— бочча,

— пара сузиш,

— пара армрестлинг,

— пара пауэрлифтинг спорт турлари бўйича мусобақада иштирок этиб, жами 197 та медаль ( 99 та олтин, 57 та кумуш, 41 та бронза) қўлга киритиб умумжамоа ҳисобида биринчи ўринни эгаллади.

Маълумот учун: 2021 йил Баҳрайнда ўтказилган IV пара Осиё ўйинларида юртдошларимиз умумжамоа ҳисобида 16 та медаль(11 та олтин, 1 та кумуш, 4 та бронза) олиб, 6-ўринни эгаллашган эди.