Йил бошидан бери доллар 1000 сўмдан кўпроққа арзонлашди

Марказий банк 27 ноябрдан хорижий валюталарнинг ўзбек сўмига нисбатан янги қийматини белгилади.

Унга кўра, долларнинг расмий курси 55,29 сўмга тушди ва 11 881,6 сўмни ташкил қилди. Бу 2023 йил 10 августдан бери энг паст кўрсаткич бўлиб, ўшанда курс 1 АҚШ доллари учун 11 667 сўмни ташкил этган.

Жорий йил бошидан буён АҚШ валютаси 1060,41 сўм йўқотди.

Тижорат банкларида долларнинг сотиб олиш курси 11 578 - 11 890 сўмни, сотиш курси эса 11 935 - 12 295 сўмни ташкил этмоқда.