Бугун, 17 ноябрь куни Ўзбекистон ва Туркманистон "Шовот-Тошҳовуз" чегараолди қўшма савдо зонасини ишга туширди. Маросимда Ўзбекистон президенти Шавкат Мирзиёев ва Туркманистон президенти Сердар Бердимуҳамедов иштирок этди.
Зона ҳудудида дирекция, божхона, карантин, фитосанитария ва ветеринария хизматларининг маъмурий бинолари, савдо павильони ва омборхоналар жойлашган.
Шунингдек, "ягона дарча" тамойили бўйича давлат хизматлари ва интерактив тизимлар, банк, тиббиёт ва меҳмонхона хизматлари, катта сиғимли автотураргоҳ мавжуд.
Қайд этилишича, ҳудуд фаолияти Ўзбекистоннинг Хоразм вилояти ва Туркманистоннинг Тошҳовуз вилояти - умумий аҳолиси 3,5 миллиондан ортиқ бўлган икки муҳим ҳудуд ўртасидаги савдо-иқтисодий алоқаларни ривожлантиришга хизмат қилади.
Комментарии