Китоб туманида Жасур Мақаев ва Дилфуза Баҳриддиновалар оиласида 4 қизалоқ туғилди. Бу ҳақда Қашқадарё вилояти ССБ Матбуот хизмати хабар қилди.
Қайд этилишича, мазкур оила 5 нафар қизни катта орзу-ҳаваслар билан камолга етказаётганди. Яқинда бу оилада бир йўла яна 4 қизалоқ туғилди. Натижада ушбу оила 9 қизли хонадонга айланди.
Эгизаклар Республика ихтисослаштирилган она ва бола саломатлиги илмий-амалий тиббиёт марказининг Қашқадарё филиалида муддатидан олдин кесарча кесиш амалиёти орқали дунёга келди.
— Биринчи қизалоқ вазни 1400 гр, бўйи 37 см.
— Иккинчи қизалоқ вазни 1450 гр, бўйи 38 см.
— Учинчи эгизакнинг вазни 1600 гр, бўйи 40 см.
— Тўртинчисининг вазни 1400 гр, бўйи 37 см.
Айни пайтда қизалоқлар филиалда халқаро протоколлар асосида парваришланмоқда.
Комментарии