Дам олиш кунлари Ўзбекистонда нисбатан илиқ ҳарорат кутилмоқда

Ўзгидромет хабарига кўра, кейинги кунларда Ўзбекистон ҳудудидан совуқ ҳаво массалари чекинишда давом этади. Ҳаво ҳарорати аста-секин кўтарилади.

Бугун кундузи ҳаво 10-12 даража илиқ бўлиши кутилмоқда, якшанба куни эса 14-17 даража илиқ, жанубда 18-20 даража илиқ бўлади.

Кечалари ҳам ҳаво ҳарорати кўтарилади, ҳудуднинг катта қисмида ҳарорат илиқ бўлади. Кучсиз совуқ кечаси ва эрталаб асосан фақат республика шимоли ва чўл ҳудудларида сақланиб туради.

Тошкентда бугун ва дам олиш кунлари ҳаво ўзгарувчан бўлади, ёғингарчилик кутилмайди. Кучсиз шамол эсади. Ҳаво ҳарорати 7 ноябрда 10-12 даража, 8-9 ноябрда 14-16 даража илиқ бўлиши кутилмоқда. Кечалари ҳарорат 1-3 даража илиқ бўлади.