Америка Қўшма Штатлари Президенти АҚШ ва Ўзбекистон ўртасида катта савдо-иқтисодий келишув имзоланганини эълон қилди. Бу ҳақда у ўзининг Truth Social ижтимоий тармоғидаги саҳифасида ёзганини, президент матбуот хизмати хабар берди.
"Америка Қўшма Штатлари ва Ўзбекистон ўртасидаги мисли кўрилмаган савдо-иқтисодий келишувни эълон қилишдан мамнунман. Яқин уч йил ичида Ўзбекистон Американинг муҳим минераллар, авиатсия, автомобил бутловчи қисмлари, инфратузилма, қишлоқ хўжалиги, энергетика ва кимё, ахборот технологиялари ва бошқа муҳим тармоқларига қарийб 35 миллиард доллар, келгуси ўн йилда эса 100 миллиард доллардан ортиқ инвеститсия киритади ва харидларни амалга оширади", - дея ёзади АҚШ президенти.
Шунингдек, АҚШ Президенти Шавкат Мирзиёевга раҳмат айтди ва давлатлар ўртасида узоқ муддатли ва самарали муносабатларни сабрсизлик билан кутаётганини билдирди.
Reuters агентлиги маълумотига кўра, келишув таъминот ва сармоялар соҳасида ҳамкорликни, шунингдек, юқори технологияли ва хом ашё секторларида қўшма лойиҳаларни амалга оширишни назарда тутади.
Комментарии