Долларнинг расмий курси сўнгги икки йилда илк бор 12 минг сўмдан пастлади

Марказий банк 30 октябрдан хорижий валюталарнинг ўзбек сўмига нисбатан янги қийматини белгилади.

Унга кўра, долларнинг расмий курси 13,94 сўмга тушди ва 11 990,53 сўмни ташкил қилди. Бу 2023 йил август ойидан бери минимал кўрсаткичдир.

Ўшанда 10 август куни курс 1 АҚШ доллари учун 11 667 сўмни ташкил қилганди. Эртаси куни, 11 август куни курс 408,03 сўмга кўтарилган эди.

Сўнгги тўрт кун ичида Америка валютаси 138,8 сўм, жорий йил бошидан бери эса 924 сўмдан кўпроқ пастлади.

Тижорат банкларида долларнинг сотиб олиш курси 11 644 - 11 990 сўмни, сотиш курси 12 005 - 12 364 сўмни ташкил этмоқда.