Кеча Наманган вилояти Чуст туманида жойлашган бензин "заправка"да портлаш содир бўлгани акс этган видео ижтимоий тармоқларга сиздирилди. Ушбу ҳолат юзасидан ФВВ Матбуот хизмати изоҳ берди.
Кеча, 25 октябрь куни соат 18:47 да Наманган вилояти Чуст тумани "Бирлик" маҳалласида иш фаолиятини тўхтатган автомобилларга ёқилғи қуйиш шохобчасида чақнаш содир бўлган.
10 тонналик ёқилғи сақлаш цистернасининг бошқа жойга кўчириш жараёнида ёнғин хавфсизлиги қоидаларига риоя қилинмаганлиги натижасида чақнаш содир бўлган. Портлаш натижасида пайвандловчи сифатида ишлаган ишчи вафот этган.
Ҳозирда ҳодиса сабаблари ва етказилган зарар миқдори ўрганилмоқда.
Комментарии