Тошкент вилояти ИИББ Матбуот хизматининг хабар қилишича, жорий йилнинг 16 октябрь куни Оҳангарон туманида вояга етмаган қизга, уятсиз-бузуқ ҳаракатлар қилган шахс (1994 й.т. М.Т.)га нисбатан Жиноят кодексининг 119-моддаси 4-қисми, (жинсий эҳтиёжни зўрлик ишлатиб ғайритабиий усулда қондириш) билан жиноят иши қўзғатилган.
Ушбу шахс шу куннинг ўзида ҳуқуқни муҳофазаси қилувчи органлар томонидан процессуал тартибда ушланган ва унга нисбатан “қамоқ“ эҳтиёт чораси қўлланилган.
Маълумотларга кўра, у 2018 йилда ҳам 14 ёшга тўлмаган шахснинг номусига тегиш жиноятини содир этиб, 16 йил муддатга озодликдан маҳрум қилинган. Аммо, 2024 йилда жазонинг қолган қисмини ўташ учун манзил колониясига ўтказилган. 16 октябрь куни фойдали меҳнатга жалб этиш чоғида ишлаш ҳудудидан қочиб кетган.
Айни вақтда тергов ҳаракатлари олиб борилмоқда.
Комментарии