Тошкентда нотаниш қизнинг кўкрагидан ушлаб, шилқимлик қилган эркак 5 суткага қамалди

Кеча, 22 сентябрь куни Тошкент шаҳар жиноят ишлари бўйича Чилонзор туман судида фуқаро А.Х.га оид маъмурий иш кўриб чиқилди.

Жорий йилнинг 19 сентябрь куни Тошкент шаҳар Чилонзор туманида 1992 йилда туғилган эркак маст ҳолатда ўзига нотаниш бўлган С.А.нинг (қиз бола) кўкраги ва танасининг бошқа жойларидан ушлаб, унга нисбатан шилқимлик қилган.

Суд мажлисида судланувчи ўзига нотаниш бўлган қизга гап отганлигини, шундан сўнг уни қўлидан ушлаганлигини, ҳозирда қилган ишидан пушаймонда эканлигини ва унга нисбатан енгиллик беришни сўраган.

Суд ҳукмига кўра, А.Х.га (эркак) нисбатан МЖтКнинг 41-1-моддаси 1-қисмида назарда тутилган ҳуқуқбузарликни содир қилган деб топилди ва ушбу модда билан 5 суттка маъмурий қамоқ жазосига тайинланди.