Саккиз ойда Ўзбекистон рекорд даражадаги 2023 йилга нисбатан кўпроқ олтин экспорт қилди

Жорий йилнинг январь-август ойларида Ўзбекистон 8,42 млрд долларлик олтин экспорт қилди, дейилади Миллий статистика қўмитаси маълумотида. 

Бу кўрсаткич ўтган йилнинг мос даври билан солиштирилганда 68,9 фоизга ошган (4,9 млрд доллар).

Қайд этилишича, саккиз ой ичида етказиб бериш ҳажми 2024 йилдаги йиллик кўрсаткичдан ($7,48 млрд) ва 2023-йилдаги тарихий максимал кўрсаткичдан ($8,15 млрд) ошиб кетди.

Олтиннинг умумий экспортдаги улуши 36,7 фоизни ташкил этиб, 2024-йилнинг январь-август ойларида 28,5 фоизни ташкил этган.