Жорий йилнинг 19 сентябрь куни соат 22:00 лар атрофида Сирдарё вилояти Сирдарё тумани “Фурқат” маҳалласи ҳудудидан ўтувчи маҳаллий аҳамиятдаги автомобиль йўлининг "Шоликор-Сирдарё" йўналишини 1-км.да 2010 йилда туғилган Д.А. отасига тегишли бўлган Lacetti’ни (отасидан берухсат) бошқариб кетаётиб, юқори тезлик оқибатида бошқарувни йўқотган ва йўл четидаги зовурга тушиб кетиши натижасида ЙТҲ содир этган.
Вилоят ИИБ хабарига кўра, ЙТҲ натижасида автомашина салонида бўлган икки нафар вояга етмаган йўловчилар воқеа жойида вафот этган, ҳайдовчи эса туман тиббиёт бирлашмасининг Жонлантириш бўлимига ётқизилган.
Ҳолат юзасидан Жиноят Кодексининг 266-моддаси 3-қисми "а" банди билан жиноят иши қўзғатилиб, тергов ҳаракатлари олиб борилмоқда.
Комментарии