7 сентябрь куни Ангренда цемент олиб кетаётган Shacman русумли юк автомобили ҳайдовчиси темирйўл кесишмасида бошқарувни йўқотиб, икки юк машинаси ва бешта енгил автомобил билан тўқнашгани ҳақида хабар берилган эди.
Дастлабки маълумотларга кўра, ўша вақтда воқеа жойида 7 киши ҳалок бўлиб, 5 киши турли даражада тан жароҳати олган ва шифохонага ётқизилган. Яна 4 нафар жабрланувчига тиббий ёрдам кўрсатилиб, уйларига жўнатилган.
Фарғона вилояти ҳокимлиги UzNews.uz’га тақдим этган маълумотларга кўра, мазкур ЙТҲ оқибатида 11 нафар инсон ҳаётдан кўз юмган.
Ҳужжатда айтилишича, ҳалок бўлган ва жабрланганларнинг оилаларига тиббий, моддий, психологик ва бошқа зарур ёрдамлар кўрсатилмоқда.
Хусусан, марҳумларни дафн этиш билан боғлиқ тадбирларни ташкил қилиш, фожиа сабабларини инобатга олган ҳолда транспорт инфратузилмасини ўрганиш ва хорижий тажрибани ҳисобга олган ҳолда уни такомиллаштириш ҳамда юк ташиш қоидаларини қайта кўриб чиқиш бўйича таклифлар тайёрлаш вазифаси юклатилган.
Комментарии