Ўзбекистон 2026 йил мартдан декабрь ойигача Қозоғистонга 900 миллион кВт⋅соат электр энергияси етказиб беради. Бу Чолпон-Отада бўлиб ўтган икки томонлама музокаралар якунида келишиб олинганини Қозоғистон Энергетика вазирлиги матбуот хизмати хабар қилди.
Маълумотга кўра, мазкур ҳажм Қозоғистоннинг жанубий энергия ҳудудида электр станцияларида таъмирлаш ишлари олиб бориладиган вақтда юзага келадиган дефицитларни қоплаш учун йўналтирилади.
Шунингдек, Чолпон-Отада Ўзбекистон, Қозоғистон ва Қирғизистоннинг энергетика ва сув хўжалиги идоралари ўртасида уч томонлама учрашув ҳам ўтказилиб, минтақада сув-энергетика мувозанатини тартибга солувчи қатор протоколлар имзоланди.
Асосий ҳужжатга кўра, томонлар Қирғизистонга Қозоғистон ва Ўзбекистондан электр энергияси етказиб бериш эвазига Тўқтўғұл сув омборидан сув чиқариш бўйича мажбуриятларни ўз зиммасига олди.
Комментарии