Ўзбекистоннинг Маскат шаҳридаги (Омон) резиденцияси билан фаолият юритувчи янги элчиси Абдусалом Хатамов Ливан президенти Жозеф Аунга ишонч ёрлиқларини топширди. Бу ҳақда «Дунё» ахборот агентлиги хабар берди.
Маросим Ливан президент саройида бўлиб ўтди. Жозеф Аун Ўзбекистон президентига самимий миннатдорлик ва табрикларини изҳор этиб, элчи тайинланиши икки давлат ўртасидаги муносабатларни ривожлантиришда муҳим қадам эканини таъкидлади.
Эслатиб ўтамиз, Абдусалом Хатамов ўтган йил 4 февралда Ўзбекистон элчиси сифатида Омон пойтахти Маскатга етиб келган ва март ойида Омон султони Ҳайсам бен Ториқ Аль Саидга ишонч ёрлиқларини топширган эди.
Комментарии