"Ўзбекнефтгаз" АЖ 2 сентябрдан бошлаб АИ-80 бензинини биржа савдолари орқали сотиш тўлиқ тўхтатилишини маълум қилди. Бунинг ўрнига АИ-92 маркали юқори октанли автобензинни биржа савдоларига қўйиш ҳажми оширилди.
"Агар шу пайтгача 1000 тонна АИ-92 бензини сотувга қўйилган бўлса, бугунги кунда бу кўрсаткич 1720 тоннани ташкил этмоқда. Ички бозор талабидан келиб чиқиб, бу ҳажмларни ошириш имконияти бор," - дейилади хабарда.
Қайд этилишича, тадбиркорлар томонидан жорий йилнинг август ойида харид қилинган АИ-80 русумли автобензин ҳажми сентябрь ойида мажбуриятлар ва мавжуд қолдиқлар доирасида ўз эгаларига етказиб берилади.
Комментарии