Синоптиклар сентябр ойида Ўзбекистонда қандай об-ҳаво кутилaётганини маълум қилди

Ўзгидромет хабарига кўра, ойнинг биринчи ўн кунлигида қулай ҳарорат фонида асосан кам булутли ва қуруқ об-ҳаво бўлиши кутилмоқда.

Кечалари ва эрта тонгда 15-20 даража бўлган ҳароратда тетиклантирувчи салқинлик сезилади, кундуз кунлари эса қуёш нурлари ҳавони 35 даражагача, айрим кунларда 37 даражагача иситади.

Кейинчалик сентябрь ойининг охиригача ҳарорат кечалари 15-20 дан 8-13 даражагача, кундуз кунлари 30-35 дан 20-25 даражагача ўзгариб туриши кутилмоқда.

Сентябрь ойида ўртача ойлик ҳарорат меъёр атрофида, баъзи жойларда меъёрдан 1-1,5 даражага юқори бўлиши кутилмоқда.

Ойнинг иккинчи ярмида айрим кунларда (1-2 кун) қисқа муддатли ёмғир ёғиши мумкин.