Тошкент вилоятида Matiz ҳайдовчиси итни қасддан босиб кетди

Ижтимоий тармоқларда Тошкент вилоятининг Янгийўл шаҳрида кузатув камералари орқали тасвирга олинган видео тарқалиб, кўпчиликнинг норозилигига сабаб бўлди.

Видеода Matiz ҳайдовчиси итни атайлаб босиб кетганини кўриш мумкин.
Тошкент вилояти ИИББ матбуот котибининг маълум қилишича, итни босиб кетган 1970 йилда туғилган С.М. МЖтКнинг 111-моддаси (ҳайвонларга нисбатан шафқатсиз муносабатда бўлиш) билан маъмурий жавобгарликка тортилди.
Эслатиб ўтамиз, ушбу модданинг санкцияларига мувофиқ қоидабузарга БҲМнинг 3 бараваридан 5 бараваригача миқдорда жарима солиниши кўзда тутилган.
ИИББ маъмурий жазо қўлланилганидан кейин ҳайвонларга нисбатан такроран шафқатсиз муносабатда бўлиш ЖКнинг 202-1-моддаси билан квалификация қилинишини ва БҲМнинг 50 бараваригача миқдорда жарима солишга ёки 6 ойгача озодликдан маҳрум қилишга сабаб бўлиши мумкинлигини таъкидлади.