Аввалроқ, бутун мамлакат бўйлаб атмосфера ҳавоси ифлосланишини мониторинг қилувчи автоматлаштирилган станциялар ўрнатилиши режалаштирилаётгани ҳақида хабар берган эдик.
Пойтахт ҳокими Шавкат Умурзоқов пойтахтда атмосфера ҳавосининг ифлосланишини автоматик кузатувчи 29 та қурилма ўрнатиш тўғрисидаги қарорни имзолади.
Тошкент шаҳар экология, атроф-муҳитни муҳофаза қилиш ва иқлим ўзгариши бошқармасига атмосфера ҳавоси ифлосланишининг фон мониторингини амалга ошириш учун автоматлаштирилган кичик станцияларни ўрнатишга рухсат берилади.
Станциялар Тошкент шаҳрининг 12 та туманида 2 квадрат метр майдонга ўрнатилади:
• Олмазор тумани: Жомий, Форобий кўчалари;
• Бектемир тумани: кўчалар. Х. Бойқаро, Ж. Тошкандий;
• Миробод тумани: Нукус, Темирйўлчилар кўчалари;
• Мирзо Улуғбек тумани: Мустақиллик, Хуросон кўчалари;
• Сергели тумани: Сўғдиёна, Қумариқ кўчалари;
• Учтепа тумани: Фарҳод, Боғбон кўчалари;
• Яшнобод тумани: Фарғона йўли, П.Маҳмуд, Махтумқули кўчалари;
• Чилонзор тумани: Бунёдкор (2), Муқимий, И.Каримов кўчалари;
• Шайхонтоҳур тумани: А.Қодирий, М.Уйғур кўчалари;
• Юнусобод тумани: А.Темур, Юқори Қорақамиш, Чинобод кўчалари;
• Яккасарой тумани: Бобур, Шоҳжаҳон кўчалари, "Ракат" маҳалласи;
• Янгиҳаёт тумани: Йўлдош кўчаси, Чортоқ маҳалласи.
Мазкур қарорнинг ижросини назорат қилиш шаҳар ҳокимининг биринчи ўринбосари Бахтиёр Раҳмонов зиммасига юклатилди.
Комментарии