ФВВ матбуот хизмати хабарига кўра, бугун, 19 август куни соат 11:11 да Олмазор тумани Зарқайнар кўчасида жойлашган “Ислом цивилизацияси маркази” биносининг том қисмида изоляция қопламаларини ётқизиш ишлари олиб борилишида технологик жараённи бузилиши оқибатида ёнғин келиб чиққан.
Ёнғин соат 11:32 да ўраб олиниб, соат 11:34 да ўчирилган. Ёнғин натижасида 19 кв.м бинони том қисмидаги майдонда изоляция маҳсулоти ёниб зарарланган.
Ёнғин оқибатида фуқаролар жабр кўрмаган ва бинонинг ички қисми шикастланмаган. Бинода нодир экспонатлар сақланмаган.
Ёнғин жойига бош вазир Абдулла Арипов ҳам борган.
Комментарии