Андижон вилояти Андижон туманида 29 апрель куни “Айрилиш” қишлоғида бир эркак уйи ёнида ўйнаётган икки 5 ёшли қизалоқни музқаймоқ олиб беришни ваъда қилиб, велосипедга ўтқазиб, уларни 2–3 километр узоқликка олиб кетган.
Материалларга кўра, у қизалоқларни қўрқитиб, гўёки қулоқларида ўргимчак борлигини айтган ва шу баҳона билан уларнинг ҳар бирига тегишли бўлган умумий қиймати 2 миллион сўмдан зиёд бўлган тилла зиракларини ечиб олган.
Суд жараёнида айбланувчи қилган ишидан афсусланганини билдириб, шундай деган:
"Қизимга шундай қилишса кечирмаган бўлардим. Ота-оналарнинг аҳволини тушунаман. Нима қилганимни ўша пайтда англамаганман. Қилган ишимдан пушаймонман"
Олий суд матбуот котиби Азиз Абидовнинг маълум қилишича, эркак Ўзбекистон Республикаси ЖКнинг 169-моддаси (ўғирлик) бўйича айбли деб топилиб, 5 йил озодликдан маҳрум қилиш жазосига ҳукм қилинди.
Комментарии