Грециянинг Афина шаҳрида спорт курашлари бўйича 17 ёшгача бўлган ўсмирлар (У17) ўртасида жаҳон чемпионати якунланди, деб хабар берди Спорт вазирлиги матбуот хизмати.
Юнон-рум кураши бўйича мусобақаларда Ўзбекистон терма жамоаси 4 та олтин медални қўлга киритди:
48 кг: Бунёд Ҳасанов;
51 кг: Отабек Турсунов;
71 кг: Беҳрузбек Валиев;
• 80 кг: Абдулазиз Холмирзаев.
Аёллар кураши бўйича ҳамюртимиз Шоҳиста Шоназарова (-40 кг) олтин, Муҳайё Раҳимжонова (-65 кг) кумуш медални қўлга киритиб, тарихий натижага эришди.
Шунингдек, эркин кураш бўйича ҳамюртларимиз Улуғбек Рашидов (-51 кг) ва Абдумалик Жалолдинов (-55 кг) кумуш, Миржалол Мукаммилов (-45 кг) бронза медалига сазовор бўлди.
Шу тариқа, Ўзбекистон терма жамоаси барча уч йўналиш бўйича 5 та олтин, 3 та кумуш ва 1 та бронза медалини қўлга киритди.
Комментарии