Тошкент шаҳар Экология, атроф-муҳитни муҳофаза қилиш ва иқлим ўзгариши бошқармаси Матбуот хизматининг маълум қилишича, жорий йилнинг 1 август кунидан бошлаб экологик ҳуқуқбузарлик учун янги жарималар жорий этилганини маълум қилди.
Унга кўра, экологик ҳуқуқбузарликлар учун қуйидаги жарималар белгиланди:
Фуқароларга белгиланмаган жойларга чиқинди ташлаш - 412.000 сўмдан 1.236.000 сўмгача;
Хазон ва шох шаббаларни ёки ўсимликларнинг қолдиқларини ёқиб юбориш - 1.236.000 сўмдан 2.060.000 сўмгача;
Сувларни ифлослантириш ёки булғатиш - 1.236.000 сўмдан 2.060.000 сўмгача;
Дарахтларни, буталарни, бошқа ўсимликларни ва ниҳолларни қонунга хилоф равишда кесиш, кундаков қилиш, шикастлантириш, йўқ қилиш ёки бошқа жойга кўчириб ўтказиш - 10.300.000 сўмдан 20.600.000 сўмгача;
Қурилиш майдонларида атмосфера ҳавосини муҳофаза қилиш талабларига риоя этмаслик - 4.120.000 сўм;
Сақланиши тақиқланган ёввойи ҳайвонларни сақлаш - 2.060.000 сўмдан 4.120.000 сўмгача (ҳайвонлар мусодара қилиб);
Табиий муҳитни тиклаш, табиий захираларни қайта ҳосил қилиш ва табиий муҳитга зарарли таъсир кўрсатиш оқибатларини бартараф этиш чораларини кўрмаганлик- 412.000 сўмдан 1.236.000 сўмгача;
Экология ва атроф-муҳитни муҳофаза қилиш органлари давлат инспекторининг қонуний фаолиятига тўсқинлик қилганлик, шунингдек унинг кўрсатмаларини бажармаслик 2.060.000 сўмдан 4.120.000 сўмгача жарима белгиланади.
Маълумот ўрнида, Вазирлар Маҳкамасининг 464-сонли қарорига мувофиқ соғлом дарахтларни таг қисмидан кесиш ҳамда шикастлантириш ҳолатлари содир этилса, табиатга етказилган зарар белгиланади.
Комментарии