"Ўзбекистон темир йўллари" АЖ матбуот хизматининг маълум қилишича, ЙТҲ бугун, 30 июль куни тахминан соат 16:09 да "Бадай" ва "Беруний" станциялари оралиғидаги 592-километрда, қўриқланмайдиган темир йўл кесишмасида содир бўлган.
Дастлабки маълумотларга кўра, "КамАЗ" юк машинаси йўл ҳаракати қоидаларига риоя қилмасдан, Андижон - Қўнғирот йўналишида ҳаракатланаётган 150 нафар йўловчиси бўлган йўловчи поезди тўғридан-тўғри ўтиш жойидан кесиб ўтмоқчи бўлган.
Қайд этилишича, бу машинанинг поезд таркиби билан тўқнашувига олиб келган, натижада тепловоз рельсдан чиқиб кетган. Тўқнашувда жабрланганлар йўқ.
Ҳозирда ҳолат юзасидан суриштирув ишлари олиб борилмоқда. Поезднинг барча йўловчилари 6 та автобусда Нукус ва Қўнғиротга жўнатилди.
ИИВ Транспорт ва туризм объектларида хавфсизликни таъминлаш департаменти матбуот хизматининг қўшимча қилишича, соат 17:29 да поезднинг техник шикастлари бартараф этилган ва у ўз йўналиши бўйича "Беруний" бекатигача ҳаракатини давом эттирган.
Комментарии