Фарғонада Nexia-3 ҳайдовчиси бошқарувни йўқотиб, дарахтга урилиши оқибатида бир киши вафот этди

Фарғона вилояти ИИБ ЙҲХБ Матбуот хизмати хабарига кўра, 2025 йил 23 июль куни соат 16:00 ларда Қува тумани “Толмозор” М.Ф.Й ҳудудидан ўтган D-105 “Фарғона-халқаси” автомобиль йўлида 1993 йилда туғилган Б.С. Nexia-3’ни бошқариб кетаётиб, қувиб ўтиш қоидасини бузиб бошқарувни йўқотган. Натижада, йўлнинг ўнг томонидаги ёнғоқ дарахтига урилиб, йўл-транспорт ҳодисаси содир этган. 

Дастлабки маълумотларга кўра, йўл-транспорт ҳодисаси натижасида Nexia-3 йўловчиси Қ.Д. воқеа жойида вафот этган. Шунингдек, яна бир нафар фуқаро тан жароҳати олиб шифохонага юборилган.