Россия раҳбари ўз телеграммасида Шавкат Мирзиёевнинг мамлакат ичкарисида ва ташқарисида юксак обрў-эътиборига тўхталиб, Ўзбекистон ижтимоий-иқтисодий ривожланиш йўлидан дадил бораётгани, республиканинг халқаро ишларда фаол иштирок этаётганини таъкидлаган.
Владимир Путин, шунингдек, Ўзбекистон раҳбарининг Москва ва Тошкент ўртасидаги стратегик шериклик ва иттифоқчиликни мустаҳкамлашга қўшган шахсий ҳиссасини қайд этди. Икки томонлама ҳамкорликнинг муҳим масалалари бўйича биргаликдаги самарали ишлар давом эттирилишига ишонч билдирди.
Владимир Путин Шавкат Мирзиёевга мустаҳкам соғлик, фаровонлик ва давлат раҳбари сифатидаги фаолиятига муваффақиятлар тилади.
Бугун Шавкат Мирзиёев 68 ёшга тўлди.
Комментарии