Андижонда дўкончи аёл 20 ёшли ишчиси бўлган қизни дўппослаб, самосуд қилди

Ижтимоий тармоқларда Андижон вилоятида аёл киши, бошқа бир аёлга нисбатан зўравонлик ишлатаётгани ҳолати акс этган видеотасвирлар тарқалди.

Андижон вилояти ИИБ Матбуот хизмати хабарига кўра, 2024 йилнинг 15 декабрь куни Андижон шаҳри Ҳунарманд маҳалласида жойлашган кийим савдоси билан шуғулланувчи дўкон эгаси, 1992 й.т. фуқаро А.П. қўл остида сотувчи бўлиб ишловчи 2005 й.т. фуқаро С.С. ни ўзаро қарз олди берди масаласи ортидан унга нисбатан тазйиқ ва зўравонлик каби хатти-ҳаракатларни содир этган.

Жабрланувчи, унга нисбатан бўлган тазйиқ ва зўравонлик ҳолати юзасидан илгари Ички ишлар органларига ёки яқинларига хабар бермаган.

Вилоят прокуратураси хабарига кўра, ушбу ҳолат юзасидан Андижон вилояти ИИБ ҳузуридаги Тергов бошқармаси томонидан жиноят кодексининг 138-моддаси 2-қисми (Зўрлик ишлатиб ғайриқонуний равишда озодликдан маҳрум қилиш) билан жиноят иши қўзғатилиб, фуқаро А.П. процессуал тартибда ушланган.

Тергов иши Андижон вилояти прокуратураси томонидан назоратга олинди.